मनमाडला मुख्य बाजारपेठेत चोरट्यांचा धुमाकूळ …चोरटे सीसीटीव्हीत कैद… पोलिसांच्या कार्यक्षमतेवर प्रश्नचिन्ह उपस्थित…?

मनमाड(प्रतिनिधी):- मनमाड शहरात चोरट्यांनी धुमाकूळ घातला असुन शहरातील मुख्य बाजारपेठ मध्ये असलेले एक मेडिकल एक कपड्याचे दुकान यासह चप्पल बुटांच्या दुकानात चोरी करण्यात आली मेडिकल मधून काही पैसे तर कपड्याच्या दुकानातून पैसे आणि कपडे चोरुन नेण्यात आले हा सर्व प्रकार सीसीटीव्हीत कैद झाला असुन मुख्य बाजारपेठत जर अशा घटना घडत असतील तर पोलिसांच्या कार्यक्षमतेवर प्रश्नचिन्ह उपस्थित करण्यात येत आहे.शहरातील या अयशस्वी चोऱ्यामुळे भीतीचे वातावरण निर्माण झाले आहे.

                 मनमाड शहरातील मुख्य बाजारपेठ असलेल्या नगर पालिकेच्या जवळपास असलेल्या मुख्य रस्त्यावरील तीन दुकाने चोरट्यांनी फोडल्याची घटना घडली असुन नोव्हेलटी मेडिकल साधना ड्रेसेस व स्टार शूज अशा तीन दुकानात चोरट्यांनी डल्ला मारला असुन यातील चोरटा सीसीटीव्हीत कैद झाला असून मुख्य बाजारपेठ असलेल्या हमरस्त्यावर जर अशाप्रकारे चोरीच्या घटना घडल्याने व्यापारी वर्गात भीतीचे वातावरण निर्माण झाले आहे आधीच दुष्काळी परिस्थितीमुळे व्यापाऱ्यांचे धंदे नाहीत त्यात आशा घटना घडल्याने व्यापारी वर्गाकडून चिंता व्यक्त करण्यात येत आहे.या घटना आशा ठिकाणी घडल्या आहेत यामुळे आता पोलिसांवर व त्यांच्या कार्यक्षमतेवर प्रश्नचिन्ह उपस्थित केले जात आहे.याआधी देखील नोव्हेलटी मेडिकल मध्ये व यासह इतर दोन तीन दुकानात चोरी करण्याचा प्रयत्न झाला होता विशेष म्हणजे मेडिकल मधून फक्त चिल्लर पैसे घेऊन चोरटे पसार झाले तर कपड्याच्या दुकानातून काही रोख रक्कम व कपडे चोरीला गेले आहेत याचा पोलिसांनी पंचनामा केला असुन पुढील तपास पोलीस करत आहेत